MISS TOURISM QUEEN INTERNATIONAL 2013 ပြိုင်ပွဲဝင် ခင်လပြည့်ဇော်ကို အီးမေးလ်ဖြင့် တိုက်ခိုက်မှုဖြစ်ပွားခဲ့

Miss Supranational Myanmar မှ စီစဉ်သူများမှ Miss Tourism Queen International ပြိုင်ပွဲကျင်းပသူများအား ပေးပို့ခဲ့ခြင်းဖြစ်သည်။

တရုတ်နိုင်ငံ နန်နင်းမြို့တွင် ကျင်းပလျက်ရှိသည့် Miss Tourism Queen Inter- national 2013 ပြိုင်ပွဲတွင် ယှဉ်ပြိုင်လျက်ရှိသည့် ခင်လပြည့်ဇော်အား အီးမေးလ်ဖြင့် တိုက်ခိုက်မှုဖြစ်ပွားခဲ့သည်။ ယခုပြိုင်ပွဲအတွက် အရည်အချင်းပြည့်မီခြင်းမရှိသူဖြစ်သည့်အပြင် မြန်မာနိုင်ငံကိုယ်စားပြုရွေးချယ်ရာတွင်လည်း တရားမျှတမှု မရှိသည့်အပြင် ရွေးချယ်ရန် တာဝန်ကျသည့် အေဂျင်စီမှာ တရားဝင်လိုင်စင်မရှိသည့် အေဂျင်စီဖြစ်ကြောင်း စသည့်အချက်များကို ထည့်သွင်းရေးသားထားသည်။ ဒါ့အပြင် ပေးပို့သူ Miss Supranational Myanmar Organizationမှ ကိုဝေယံအောင်ကပေးပို့သည့်အနေဖြင့် ယခုပွဲစီစဉ်သူများကို ပေးပို့ခဲ့ခြင်း ဖြစ်သည်။

ယင်းသို့ပေးပို့မှုများကြောင့် ပွဲတာဝန်ရှိသူများက ခင်လပြည့်ဇော်၏ စီစဉ်သူ Star & Model Int'L အား ပြန်လည်အကြောင်းကြားခဲ့ပြီး ခင်လပြည့်ဇော်၏ ယှဉ်ပြိုင်မှုများနှင့်ပတ်သက်၍ ဆွေးနွေးမှုများလည်း ရှိခဲ့သည်။


“ဒီမေးလ်က ဘယ်သူပို့မှန်းလည်းမသိဘူး။ ကျွန်တော့်ဆီကို ရောက်လာတဲ့အတွက် ပထမပိုင်းတုန်းကတော့ ကျွန်တော့်အနေနဲ့ စိတ်ကသိကအောက်ဖြစ်ပြီး ဖေ့ဘွတ်ပေါ်မှာတင်ခဲ့ပါတယ်။ ခင်လပြည့်ဇော်နဲ့ ပတ်သက်ပြီးတော့လည်း ဟိုဘက်က တာဝန်ရှိတဲ့သူတွေနဲ့ ပြောဆိုခဲ့ပါတယ်။ မေးလ်မှာဖော်ပြထားတဲ့ လိပ်စာက တကယ့် လိပ်စာဟုတ်မဟုတ် ပြန်လည် စုံစမ်းဖို့ပါ။ ခင်လပြည့်ဇော်က ဟိုမှာ တစ်ပွဲတောင် ယှဉ်ပြိုင်လို့ ပြီးသွားပါပြီ။ အခုဖြစ်စဉ်နဲ့ ပတ်သက်ပြီး အီးမေးလ်လိပ်စာမှာ ဖော်ပြထားတဲ့ အေဂျင်စီကို တရားစွဲဖို့တို့၊ ဘာတို့ စတဲ့ အစီအစဉ်တွေ ဘာမှမရှိပါဘူး”ဟု စတား မော်ဒယ်လ်အေဂျင်စီက ဂျွန်လွင်က မဇ္ဈိမသို့ဖြေကြားခဲ့သည်။

အီးမေးလ်တွင် ပေးပို့သူအဖြစ် ဖော်ပြထားသည့် ကိုဝေယံအောင်က “ဒီမေးလ်က ကျွန်တော်တို့ ပေးပို့တာ မဟုတ်ပါဘူး။ ကျွန်တော်တို့သုံးတဲ့ မေးလ်လိပ်စာလည်း မဟုတ်ပါဘူး။ ကိုဂျွန်လွင်နဲ့လည်း အဆက်အသွယ်ရပါပြီ။ ကျွန်တော်တို့မဟုတ်ကြောင်းလည်း ရှင်းပြပြီးပါပြီ။ Miss Tourism Queen International ရယ်၊ Miss Myanmar.org ဘက်ကို စုံစမ်းကြည့်ဖို့ အကြံပြုခဲ့ပါသေးတယ်။ ဒီကိစ္စနဲ့ပတ်သက်ပြီး ကျွန်တော်တို့ ဘက်ကလည်း ဖြေရှင်းချက်ထုတ်မှာပါ”ဟု တုံ့ပြန်ဖြေကြားခဲ့ပါသည်။

အဆိုပါပြိုင်ပွဲ၏ နောက်ဆုံးပြိုင်ပွဲကို အောက်တိုဘာလ ၃ ရက်တွင် ကျင်းပမည်ဖြစ်ပြီး တရုတ်နိုင်ငံ Dynasty Brand Promotion မှ ဦးစီးကျင်းပခြင်းဖြစ်သည်။ နိုင်ငံပေါင်း ၉၀ ကျော်မှ မော်ဒယ်လ်များ ၀င်ရောက်ယှဉ်ပြိုင်လျက်ရှိသည်။