စာရေးဆရာ ကိုအောင်ဆန်း အပိုင်း (၇)

နောက်ဆုံးစကား မိန့်မြွက်ကြား

(ကျွန်ုပ်တို့၏ ခေါင်းဆောင်ကြီး ဗိုလ်ချုပ်သည် မကွယ်လွန်မီ ရက်သတ္တပတ်ဖြစ်သော ၁၉၄၇ခု၊ ဇူလိုင်လ ၁၃ရက် နေ့တွင် ရန်ကုန်မြို့ မြိုကတော်ခန်းမဆောင် အပြင်ဘက်မှနေလျက် လူထု ပရိတ်သတ်ကြီးအား ဟောကြား သွားသော အောက်ပါမိန့်ခွန်းစကားသည်ကား "အပ္ပမာဒေန ဘိက္ခဝေ သမ္ပာဒေထ" ဒေသနာဗမ္မ နှင့် အညီ "တိုင်းရင်းသားအပေါင်းတို့... မမေ့မလျေ့ကြကုန်လင့် အသိတရားနှင့် ပြည့်စုံကြကုန်" နောက်ဆုံးသတိပေးသွားသည့် မိန့်ခွန်းစကားပင်တည်း။)

ရည်ရွယ်ချက်အဓိက ရည်ညွန်းပြ
ယနေ့အစည်းအဝေးကတော့ တိုင်းပြုပြည်ပြုလွှတ်တော်အမတ်တွေ ကိုယ့်နယ်ဆိုင်ရာ ပရိတ်သတ်ကို တိုင်းပြုပြည်ပြုလွှတ်တော် ဘာတွေလုပ်နေတယ်ဆိုတာကို အစီရင်ခံဖို့ အလုပ်ခိုင်းတာကဖြစ်လာတဲ့ အစည်းအဝေးပါပဲ။ တခြားနိင်ငံတွေမှာ လွှတ်တော်အမတ်တွေ ရယ်လို့ တိုင်းပြည်က တင်မြှောက် လိုက်တဲ့အခါ အဲဒီလွှတ်တော်အမတ်တွေက လွှတ်တော် အစည်းအဝေးမရှိတဲ့အခါ မျိုးမှာ မိမိတို့ အားလပ်ချိန်ရသမျှ အတောအတွင်းမှာ မိမိတို့ ရွေးကောက်တင်မြှောက်လိုက်တဲ့ နယ်ကိုပြန်သွားပြီးတော့ သူတို့ လွှတ်တော်မှာ ဘာဖြစ်နေတယ် ဘာလုပ်ခ့တယ်အစရှိသည်ဖြင့် အခြေအနေအရပ်ရပ်ကို ကိုယ့်နယ် ကို ပြန်ပြီး အစီရင်ခံတဲ့ ထုံးစံရှိပါတယ်။ အဲဒီထုံစံရှိတဲ့အတိုင်း ဗမာပြည်မှာလည်းပဲ ဒီထုံးစံ ဖြစ်စေချင်တဲ့ အတွက် ဖဆပလအဖွဲ့ချုပ်ရဲ့ တိုက်တွန်းချက်အရ တိုင်းပြုပ်ြညပြုလွှတ်တော်အမတ်တွေက ကိုယ့်နယ် ဆိုင်ရာ လူတွေကို ပြန်ပီါ် အစီရင်ံတဲ့ အဓိပ္ပာယ် မပါတော့ဘဲ နိုင်ငံရေးရှင်းတမ်း တရားပွဲတွေ လုပ်လာကြတယ်။အ ခုလည်းပဲ ဒီနေ့ကျင်းပတဲ့ နိုင်ငံရေးရှင်းတမ်းတရားပွဲကြီး ဖြစ်လာရတယ်။ ယနေ့ နိုင်ငံရေးရှင်းတမ်းဟာ ဖဆပလ အဖွဲ့ချုပ်ရဲ့ ဥက္ကဌအနေဖြင့်သာ မဟုတ်ဘဲနဲ့ ရန်ကုန်မြို့နယ် တစ်နယ်ကနေပြီး တင်မြှောက်လိုက်တဲ့ တိုင်းပြုပြည်ပြုလွှတ်တော် အမတ်အဖြစ်နဲ့ထားပြီး ကျွန်တော် အခု စကားပြောလိုက်ပါတယ်။

တိုင်းပြုပြည်ပြုလွှတ်တော် ထင်ရှားပေါ်
ကျွန်တော်တို့ တိုင်းပြုပြည်ပြုလွှတ်တော်ဆိုတာ ရှေးတုန်းက ကျွန်တော်တို့ တိုင်းပြည်မှာရှိတဲ့ လူတွေ အနည်းအကျဉ်း ကြားဖူးပေမဲ့ ဒီတစ်ခါမှပဲ တိုင်းပြည်ရဲ့ လူတွေက ရွေးကောက်တင်မြှောက်ရပြီးနောက် တိုင်းပြုပြည်ပြုလွှတ်တော်ဆိုတာဟာ ရှေးတုန်းက လုပ်နေကျ ဥပဒေပြုလွှတ်တော်ပဲလို့ ထင်နေကြတဲ့ လူတွေ အမြောက်အမြားရှိကြတယ်။ ပထမရှေးဦးစွာ တိုင်းပြုပြည်ပြုလွှတ်တော်ဟာ ဘာလဲဆိုတာ သေသေချာချာ ကျကျနန ရှင်းလင်းပြောပြလိုပါတယ်။ အခုကျွန်တော်တို့ တိုင်းပြုပြည်ပြု လွှတ်တော် ဘာလဲဆိုတာ သေသေချာချာကျကျနန ရှင်းလင်းပြောပြလိုပါတယ်။ အခုကျွန်တော်တို့ တိုင်းပြုပြည်ပြု လွှတ်တော်ရယ်လို့ ထင်ထင်ရှားရှား ဖြစ်ပေါ်လာသလဲဆိုရင် အမတ်တွေစုံပြီး ဒီရန်ကုန်မြို့မှာ စုဝေးကြပြီးတဲ့ နောက် ဇွန်လ၁၀ရက်နေ့မှာ စတင်ကျင်းပတဲ့နေ့ကစပြီး တိုင်းပြုပြည်ပြုလွှတ်တော်ဆိုတာ ဖြစ်လာခဲ့ပါ တယ်။ အဲဒီအရင်တုန်းကေ၇ွးကောက်ပွဲပြီးပင်ပြီးငြားသော်လည်း တိုင်းပြုပြည်ပြု လွှတ်တော်ရယ် လို့ အဖွဲ့ကို မဖွဲ့စည်းနိုင်သေးပါဘူး။

သို့သော်လည်းပဲ ဒီတိုင်းပြုပြည်ပြုလွှတ်တော်ဟာကျွန်တော်တို့ ကမ္ဘာ့နိုင်ငံရေးရာဇ၀င်မှာ အင်မတန် ထူးဆန်းတဲ့ တိုင်းပြုပြည်ပြုလွှတ်တော် တစ်မျိုးဖြစ်နေပါတယ်။ တိုင်းပြုပြည်ပြုလွှတ်တော် တွေဟာ တခြားနိုင်ငံတွေမှာလည်းပဲ အသီးသီးပေါ်ပေါက်ခဲ့ဖူးတယ်။ အဲဒီလိုပေါ်ပေက်ခဲ့တဲ့ အခါမှာလည်းပဲ အဲဒီတိုင်းပြည် တွေရဲ့ အခြေအနေအရ အမျိုးမျိုးပဲပေါ်ပေါက်ခဲ့တဲ့ ထုံးတမ်းသက်သေသာဓကတွေ ရှိပါတယ်။ အဲဒီတော့ သဘောတရားသက်သက်နဲ့ ကြည့်ပြိးပြောရမယ်ဆိုရင် တိုင်းပြုပြည်ပြု လွှတ်တော် ဘာအတွက် ပေါ်ပေါက်လာရသလဲဆိုရင် တိုင်းပြည်အသစ်တည်ဖို့ တိုင်းသစ်ပြည်သစ် နိုင်ငံသစ် တည်ထောင် ဖို့အတွက် ပေါ်ပေါက်လာ ရခြင်းဖြစ်သည်။ ကျွန်တော်တို့ ဗမာစာပေမှာ ကြည့်မယ်ဆိုရင် ကျွန်တော်တို့ ကမ္ဘာအစဆိုပြီးတော့ စတဲ့အခါတုန်းက မဟာသမ္မတမင်းမြှောက်ကြတယ်ဆိုပြီးတော့ လူတွေ၊ ကိုယ်စားလှယ်တွေ စုရုံးပြီးတော့ အဲဒိအစည်းအဝေးမျိုးဟာ ကမ္ဘာကြီးမှာ ပထမဆုံး တိုင်းပြုပြည်ပြုလွှတ်တော်ရယ်လို့ ဆိုရမှာဘဲ။ အဲဒီတော့ အဲဒီလိုပဲ နိုင်ငံအသစ်တည် ထောင်စရာ ရှိတဲ့အခါ မှာ တိုင်းပြုပြည်ပြုလွှတ်တော်ဆိုတာ ပေါ်လာစမြဲပဲ။

လွှတ်တော်ဆိုငြား အစားစား

နိုင်ငံအသစ်ဆိုတဲ့ သဘောကတော့ ကိုယ့်တိုင်းပြည်ကို တခြားနိုင်ငံကနေပြီးတော့ အုပ်စိုး လွှမ်းမိုးထားလို့ အဲ့ဒီလို အုပ်စိုး လွှမ်းမိုးခြင်းကို တွန်းလှန်ပယ်ချပြီးနောက် မိမိတို့တိုင်းပြည် မိမိတို့် အစိုးရ ကိုယ့်မင်း ကိုယ့်ချင်း တည်ထောင်ဖို့အတွက် တိုင်းပြုပြည်ပြုလွှတ်တော် လုပ်တာတစ်မျိုး။ နောက်တစ်မျိုးကတော့ ကျွန်တော်တို့ အားလုံး သတင်းစာတွေထဲမှာ ခဏခဏဖတ်နေရမှာပဲ။ ဆိုဗီယက်ယူနီယံခေါ်တဲ့ အဲဒီနိုင်ငံကြီး ဟာ လွန်ခဲ့တဲ့အနှစ် သုံးဆယ်လောက်က တော်လှန်ရေးအကြီးအကျယ်ဖြစ်ခဲ့တယ်။ ဒီလို တော်လှန်ရေး ပြီးတဲ့ နောက်သူလည်း နိုင်ငံသစ်ဖြစ်လာတယ်လို့ ဆိုရမှာပဲ။ ခေတ်ဟောင်းခေတ်ဆွေးကို မှီခိုနေတဲ့ ဇာဘုရင်စံနစ်နဲ့ အုပ်ချုပ်နေတဲ့ တိုင်းပြည်ဟောင်း၊ စံနစ်ဟောင်းကို တော်လှန် တွန်းဖယ် ပစ်ပြီးတဲ့နောက် အသစ်ကျပ်ချွတ်ပြန် ပြီးတော့ တိုငက်းပြည်ကို စံနစ်တစ်မျိုးနဲ့တည်ထောင်တဲ့ အတွက် ကြောင့် အဲဒီနိုင်ငံသစ်က တစ်မျိုးဖြစ်တယ်။ ဒီနိုင်ငံသစ်ကတော့ အခြားလူမျိုးခြားအောက်မှာ ရောက်ပြီးမှ ဖြစ်လာတဲ့ နိုင်ငံသစ်မျိုးမဟုတ်ဘဲ ကိုယ့်လူမျိုးဖြစ်တဲ့ လူတန်းစားအချင်းချင်း ချု့ပ်ချယ်လွှမ်းမိုးမှုမှာ လွတ်မြောက် လာပြီးတဲ့နောက် နိုင်ငံသစ်တည်ထောင်ခြင်းဖြစ်တယ်။ အဲဒီတော့ နိုင်ငံသစ်ဆိုတာ အကြမ်း အားဖြင့် အဓိပ္ပာယ်နှစ်မျိုးဖြစ်တယ်။

ကျွန်တော်တို့ ဗမာပြည်ကို လက်အောက်ခံနိုင်ငံတွေအဖို့မှာ နိုင်ငံသစ်ဆိုတဲ့ သဘောဟာ လူမျိုးခြားများရဲ့ လက်အောက်က လွတ်မြောက်လာပြီးတဲ့နောက် ကိုယ့်ဟာကိုယ် ကိုယ့်ထီးကိုယ့်နန်း ကိုယ့်အစိုးရနဲ့ ကိုယ့်မင်းကိုယ့်ချင်း တည်ထောင်တာကို ကျွန်တော်တို့ အဖို့မှာ နိုင်ငံသစ်လို့ဆိုရတယ်။ သို့သော် လွတ်လပ်နေတဲ့ နိုင်ငံတွေဖြစ်တဲ့ ကိုယ်ယ့လူမျိုးအချင်းချင်း အုပ်စိုးတဲ့ တိုင်းပြည်တွေမှာတော့ ရှိနေတဲ့ အစိုးရစနစ်အဆောက်အဦ တစ်ခုလုံးကို ပြောင်းလဲဖျက်ဆီးပြီးတဲ့ နောက် အသစ်ကျပ်ချွတ်စံနစ်တစ်မျိုးနဲ့ တိုင်းသစ်နိုင်ငံသစ် တည်ထောင်ပုံကတစ်မျိုး၊ အဲလိုနှစ်မျိုးရှိတဲံအခါမှာ အဲဒီနှစ်မျိုးစလုံး ပေါ်ပေါက်တဲ့ အချိန်အခါမျိုးမှာ တိုင်းပြုပြည်ပြုလွှတ်တော်ဆိုတာ ထုံစံအားဖြင့် ပေါ်လာစမြဲဖြစ်ပါတယ်။ ဘာဖြစ်လို့ ပေါ်လာ စမြဲဖြစ်သလဲဆိုရင် အဲဒီလိုတိုင်းပြည်သစ် နိုင်ငံသစ်ဖြစ်နေတော့ ပြန်ပြီး ဥပဒေ၊ စံနစ်တွေ အကုန် အသစ်ပြန်ပြီးတော့ ရေးဆွဲရမှာစြဖ်တော့ အခြေခံကစပြီး ပြုလုပ်ရမဲ့အတွက်ဖြစ်ပါတယ်။

ဥပမာအားဖြင့် ရှိနေတဲ့အိမ်ဟောင်းကို ပြင်ရန်အလုပ်မဟုတ်ဘဲ တစ်အိမ်လုံး ဖျက်ဆီးပြီးတဲ့နောက် အဲဒီ ဖျက်ထားတဲ့ နေရာမှာ ထပ်ပြီး အိမ်သစ်ဆောက်တာနဲ့တူပါတယ်။ အဲဒီလို အိမ်အသစ်ဆောက်တဲ့အခါမှာ ဒီအိမ်သစ် ကို ဘယ်လိုစနစ် ဘယ်လိုစီမံကိန်းမျိုးနဲ့ တည်ဆောက်မယ်ဆိုပြီးော့ အင်ဂျင်နီယာ ဗိသုကာ အတတ်ဆရာ တွေက ပထမဦးစွာ အိမ်ပုံစံတွေ ရေးဆွဲပြီး ဒီပုံစံအရ ငွေဘယ်လောက် ကုန်ကျမယ်ဆိုတာ တွက်ချက်၊ သေသေချာချာ နေ့ကောင်းရက်မြတ်ရွေးပြီးမှ အိမ်သစ်ဆောက်သလိုပဲ။

အခု ကျွန်တော်တို့ နိုင်ငံအသစ်ကို ပြန်ပြီး တည်ထောင်ဖို့အတွက် တိုင်းပြုပြည်ပြုလွှတ်တော်က ပြန်ပြီး ဥပဒေသစ်စနစ်သစ် တွေ စီစသ်ရေးဆွဲရပါလိမ့်မယ်။ စီမံကိန်းချရပါလိမ့်မ်ယ။ အဲဒီလို တိုင်းပြည်သစ် နိုင်ငံသစ်ပုံစံဟာ ဘယ်လိုရှိသင့်တယ်ဆိုတာ တိုင်းပြုပြည်ပြုလွှတ်တော်က ဆုံးဖြတ်ရစမြဲပဲ...။ ဒါ့ကြောင့် တိုင်းပြုပြည်ပြု လွှတ်တော်ရဲ့ တာဝန်ဟာ နိုင်ငံသစ်ထူထောင်ဖို့ တာဝန်ဖြစ်တဲ့ အတိုင်း တိုင်းပြုပြည်ပြု လွှတ်တော်မျိုးဟာ သာမန်အားဖြင့် ပြောမယ်ဆိုရင် ဘယ်တိုင်းပြုပြည်ပြုလွှတ်တော်မဆို အချုပ်အာဏာ နဲ့ ပြည့်စုံတဲ့ တိုင်းပြုပြည်ပြုလွှတ်တော်မျိုးသာ ဖြစ်ရမယ်။ ဘာဖြစ်လို့လဲဆိုရင် ယခုအခါ နိုင်ငံသစ် တည်ထောင် ရမယ်...။ တည်ထောင်ရအောင် ဆိုလို့ရှိရင် အဲဒီ...နိုင်ငံသစ်ကို တည်ထောင်ဖို့အတွက် ပေါ်ပေါက် လာတဲ့ တိုင်းပြုပြည်ပြုလွှတ်တော်ဟာ အချုပ်အခြာနဲ့ ပြည့်စုံဖို့လိုပါတယ်။ အဲဒီလို အချုပ်အခြာ နဲ့မပြည့်စုံရင် ကိုယ်တည်ချင်တဲ့ နိုင်ငံမျိုးကို တည်လို့ရမှာမဟုတ်ပါဘူး။

ယခုကျွန်တော်တို့ တိုင်းပြုပြည်ပြုလွှတ်တော်ဟာ ကမ္ဘာ့နိုင်ငံရေး ရာဇ၀င်မှာအတော် ကလေး ထူးဆန်းတဲ့ တိုင်းပြုပြည်ပြုလွှတ်တော်ဖြစ်တယ်။ ဘာဖြစ်လို့လဲဆိုတော့ အခြားတိုင်းပြည်တွေမှာ ပေါ်ပေါက်လာခဲ့တဲ့ တိုင်းပြုပြည်ပြုလွှတ်တော် အခြေအနေနှင့် ကွာခြားနေတဲ့အချက်တွေ ရှိပါတယ်။ အဲဒီလို ကွာခြားမှုတွေကြောင့် ကျွန်တော်တို့ တိုင်းပြုပြည်ပြုလွှတ်တော်ဟာလည်း ထူးခြားနေတဲ့ အကြောင်းတွေ ရှိပါတယ်။

ပြင်သစ်ပြည်မှာပုံပမာ

ဥပမာ....၊ အခြားတိုင်းပြည်တွေမှာ ပြင်သစ်ပြည် မှာ ဟိုးရှေးအခါတိုန်းက တော်လှန်ရေးဖြစ်ပြီးတဲ့နောက် တိုင်းပြုပြည်ပြု လွှတ်တော်ပေါ်လာခဲ့ဖူးတယ်။ အဲဒီလိုပေါ်လာတဲ့အခါမှာ ဒီတိုင်းပြုပြည်ပြု လွှတ်တော်ဟာ အာဏာရပြီးသားဖြစ်နေတယ်။ အခုတစ်ခါ ဒီစစ်ကြီးပြီးတဲ့နောက် ဒီပြီးခဲ့တဲ့ စစ်ကြီးအတောအတွင်းမှာ ပြင်သစ်တွေဟာ ဂျာန်မာန်တွေကို ပြန်ပြီး တွန်းလှန်မောင်းထုတ်ပြီးတဲ့နောက် တိုင်းပြည်မှာ ပြန်ပြီးတော့ ဂျင်နရယ်ဒီဂေါ အစရှိသဖြင့် ပြန်ပြီးရောက်လာတဲ့အခါ သူတို့တိုင်းသစ်ပြည်သစ် နိုင်ငံသစ် ထူထောင်ရတယ်။ အဲဒီလိုထူထောင်တဲ့အခါမှာ တည်ထောင်ဖို့ရာအတွက် တိုင်းပြုပြည်ပြု လွှတ်တော်ဆိုတာ ထပ်ပြီးတော့ လုပ်ရတယ်။ အဲဒီလိုလုပ်တဲ့ တိုင်းပြုပြည် ပြုလွှတ်တော်မျိုးဟာ အာဏာ ရပြီးသား တိုင်းပြုပြည်ပြု လွှတ်တော်ဖြစ်တယ်။ အာဏာရပြီါ်သား တိုင်းပြုပြည်ပြုလွှတ်တော်ဟာ မိမိတို့ တိုင်းပြုပြည်ပြုလွှတ်တော်ကနေ ဆုံးဖြတ်တဲ့ကိစ္စမှန်သမျှကို ချက်ချင်းအတည်ဖြစ်စေပြီးတော့ တစ်တိုင်းပြည်လုံး က အာဏာစက်တည်အောင် ချက်ချင်းလုပ်နိုင် တယ်။

အမေရိကန် ပမာစံ
အမေရိကန်မှာဆိုရင် ပထမရှေးဦးစွာ အင်္ဂလိပ်လက်အောက်မှာ သူတို့လူတစ်မျိုးတည်း အဖြစ် နေကြပြီးတဲ့နောက် အင်္ဂလိပ်မှာရှိတဲ့ အင်္ဂလိပ်အစိုးရကို မကျေနပ်လို့ သူတို့တော်လှန်ပြီးတော့ လွတ်လပ်ရေး တိုက်ပွဲတွေ စစ်ပွဲကြီးတွေဆင်နွှဲပြီးတဲ့ အခါကျတော့ တိုင်းပြုပြည်ပြုလွှတ်တော် ကျင်းပတဲ့ အခါတုန်းက သူတို့မှာ အာဏာရပြီးသား အခြေအနေမှာ တိုင်းပြုပြည်ပြုလွှတ်တော် ကျင်းပတယ်။ သို့သော်လည်း ကျွန်တော်တို့ တိုင်းပြည်ကတော့ အခုတိုင်းပြုပြည်ပြု လွှတ်တော်ကျင်းပနေတဲ့အခါမှာ ကျွန်တော် တို့ တိုင်းပြည်က အာဏာရပြီးသား အခြေအနေတော့မဟုတ်သေးပါဘူး။

အိုင်ယာလန်ကို ပမာဆို

ကျွန်တော်တို့ တိုင်းပြုပြည်ပြုလွှတ်တော်ရဲ့ အခြေအနေဟာ ဘာနဲ့တူသလဲဆိုရင် တောင်ပိုင်း အိုင်ယာလန် မှာ လွန်ခဲ့တဲ့ အနှစ်၂၇နှစ်လောက်တုန်းက ဖြစ်ခဲ့တဲ့ အခြေအနေမျိုးနဲ့ တူပါတယ်။ အဲဒီ အိင်ယာလန် မှာ ဖြစ်ခဲ့တဲ့ အခြေအနေမျိုးက ဘယ်လိဖြစ်သလဲဆိုရင် ပထမအင်္ဂလိပ်အစိုးရကို ကမ္ဘာစစ်ကြီး အတောအတွင်းမှာ ဆူပူပုန်ကန်တော်လှန်တာတွေဖြစ်ပြီး နောက်ဆုံးကျတော့ စစ်ကြီးပြီးတဲ့ နောက် သူပုန်ကိစ္စတွေဟာ ရပ်စဲသွားတယ် အဲဒီရပ်စဲသွားပြီးတဲ့ နောက်မှာ တစ်ခါ အင်္ဂလိပ်အစိုးရနဲ့ အိုင်ယာလန် ခေါင်းဆောင်တွေနဲ့ တွေ့ဆုံပြီး စာချုပ်ချုပ်ကြတယ်။ အဲဒီစာချုပ်ချုပ်ပြီးတဲ့နောက် သူတို့ တိုင်းပြု ပြည်ပြု လွှတ်တော်ဆိုတာ သူတို့ လုပ်တယ်။ လုပ်တဲ့အခါမှာ အိုင်ယာလန်ပြည်ဟာ အာဏာ မရသေးဘူး။

ဟိုအိုင်ယာလန်တုန်းက ပေါ်တဲ့ တိုင်းပြုပြည်ပြုလွှတ်တော်မျိုးကတော့ကာ အမှန်စင်စစ် ဒိုမီနီယံ အဆင့်အတန်း ဖြစ်တဲ့ အုပ်ချု့်ရေးမျိုးကိုသာ ရေးဆွဲဖို့ဆိုတဲ့ သဘောမျိုးလောက်ဖြစ်ပါတယ်။ သို့သော်လည်းပဲ ကျွန်တော်တို့ အခုရထားတဲ့ တိုင်းပြုပြည်ပြုလွှတ်တော်ကတော့ ကိုယ်ကြိုက်ရာ ဆုံးဖြတ်ပြီး လုပ်နိုင်တယ်ဆိုတာကို အင်္ဂလိပ်အစိုးရက သဘောတူပြီးသား ဖြစ်တဲ့အတိုင်း ကျွန်တော်တို့ ဒီနေရာ မှာ ကျွန်တော်တို့ တိုင်းပြုပြည်ပြုလွှတ်တော်ထက် တစ်ပန်းသာနေတာ တွေ့ရတယ်။ အဲဒီ တော့ကာ ကျွန်တော်တို့ တိုင်းပြုပြည်ပြုလွှတ်တော်ဟာ အဲဒီအခြေအနေမျိုါ်မှာ ပေါ်လာပြးတော့ ဒီလိုထူးခြား တဲ့ အချက်တွေရှိပါတယ်။

အိန္ဒိယတိုင်း ယှဉ်ကာနှိုင်း

ကျွန်တော်တို့ တိုင်းပြုပြည်ပြုလွှတ်တော်က အချုပ်အခြအာဏာမရသေးဘူး၊ မရသေးဘူးဆိုတာက ရအောင်လုပ်တဲ့နည်းအမျိုးမျိုးရှိတယ်။ ဒါတွေက ကျွန်တော်နောက် ပြောပြပါဦးမယ်။ ဥပဒေသဘောကို ပြောမယ်ဆိုရင် ကျွန်တော်တို့ တိုင်းပြုပြည်ပြုလွှတ်တော်ဟာ အချုပ်အခြာအာဏာ မရသေးဘူး။ အချုပ်အခြာအခွင့်ရဲ့ အဆင့်အတန်းသာရသေးတယ် (Status) အဆင့်အတန်းကသာလျှင် ကျွန်တော်တို့ အချုပ်အခြာအာဏာလွှတ်တော်ရဲ့ အဆင့်အတန်းကရတယ်။ ရတဲ့သဘောက ယခု တိုင်းပြုပြည်ပြု လွှတ်တော် လုပ်ကြတယ်ဆိုရင် ဒီတိင်းပြုပြည်ပြုလွှတ်တော်ကို ဘုရင်ခံလာပြီးတော့ ရိုးရိုး ဥပဒေပြုလွှတ်တော်လို စကားမပြောနိုင်ဘူး။ တိုင်းပြုပြည်ပြု လွှတ်တော်တွေလို စကားမပြောနိုင်ဘူး၊ တိုင်းပြုပြည်ပြု လွှတ်တော်မှာ သူလာပြီး နားထောင်ချင်တယ်ဆိုရင် ဧည့်သည်အဖြစ်နဲ့ နားထောင်နိုင်တယ်။ ဘုရင်ခံအဖြစ်နဲကလာပြီးတော့ ကျွန်တော်တို့ကို ဘာလုပ်ပါညာလုပ်ပါဆိုပြီး မပြောနိုင်ဘူး။ ရိုးရိုး ဥပဒေပြုလွှတ်တော်ဆိုရင် သူလာပြီး စကားပြောနိုင်တယ်။ အခုအချုပ်အခြာ အခွင့်နဲ့ အဆင့်အတန်းသဘောမျိုးရောက်တော့ကာ ဒီတိုင်းပြုပြည်ပြုလွှတ်တော်ဟာ သူ့ဟာသူ လုပ်တဲ့နေရာမှာတော့ လွတ်လွတ်လပ်လပ်ရှိတယ်။ အဲ့ဒီလို လွတ်လွတ်လပ်လပ်ရှိတဲ့အတွက် (Status) အဆင့်အတန်းမှာ အချုပ်အခြာသဘောမျိုးရှိတယ်။

အဲဒီလိုဖြစ်နေတော့ အိန္ဒိယပြည်က တိုင်းပြုပြည်ပြုလွှတ်တော်ဟာ လွန်ခဲ့တဲ့ အခြေအနေတုန်းက ကျွန်တော်တို့ တိုင်းပြုပြည်ပြုလွှတ်တော်နဲ့ မခြားနားဘဲ ဖြစ်ပေါ်နေတဲ့ အခြေအနေမျိုးရှိတယ်။ အခုတော့ အိန္ဒိယပြည်မျာ ပေါ်ပေါက်မဲ့ တိုင်းပြုပြည်ပြုလွှတ်တော်တွေဟာ ကျွန်တော်တို့ထက် ပိုပြီး အဆင့်သာသွားတယ်။ ဘယ်လိုသာသွားမလဲဆိုရင် အချုပ်အခြာအာဏာ အဆင့်အတန်းမှာသာမကဘဲနဲ့ အာဏာပါရတဲ အခြေအနေမျိုးရောက်သွားတယ်။ အဲ့ဒီတော့ ကျုပ်တို့ထက်သာတဲ့ဘက်ကလည်း သာတယ်။ သို့သော်လည်း သူတို့ လျော့တဲဘ်ကလည်း ဘယ်လိုလျော့သလဲဆိုရင် သူတို့ကို အင်္ဂလိပ်အစိုးရက ဒိုမီနီယံပေးတဲ့အခါမှာ ဒိုမီနီယံအဖြစ်နဲ့ ဘယ်လောက်ကြာအောင် နေရမလဲဆိုရင်ဟိန္ဒူ၊ မူဆလင် စေ့စပ်တဲ့နေရာမှာ ကြာရင် ကြာသလောက် နေရမယ်။ အင်္ဂလိပ်အစိုးရက မပေးချင်လို့မဟုတ်ဘူး။ သူတို့အချင်းချင်း မတည့်လို့နေရတာဖြစ်တယ်။

တစ်နှစ်ကတိစောင့်ကာကြည့်

အဲဒီတေ့ကာ ကျွန်တော်တို့ လွတ်လပ်ရေးကိစ္စနဲ့ပတ်သက်ပြီး ဖဆပလအဖွဲ့ချုပ်က ၁၉၄၆ ခု ဇန်န၀ါရီလမှာ ကျင်းပခဲ့တဲ့ ပထမ ဖဆပလ မြန်မာနိုင်ငံလုံးဆိုင်ရာ ညီလာခံ အဖွဲ့ချုပ်ကြီးက ဗမာနိုင်ငံဟာ လုံးဝလွတ်လပ်ရေးကို လိုချင်တယ်၊ ဘယ်လို ဒိုမီနီယံ (Dominion) ကိုမှ မလိုချင်ဘူးဆိုပြီး ကျွန်တော်တို့ရည်ရွယ်ချက်အဖြစ်နဲ့ အတိအလင်း ကြေငြာခဲ့တယ်။ အဲဒီောကငြာခဲတဲ့အတိုင်းပဲ ကျွန်တော် တို့ မေလအတွင်းမှာ ကျင်းပခဲ့တဲ့ ဖဆပလပဏာမညီလာခံမှာ ကျွန်တော်တို့ဟာ ဗမာပြည်ကြီးကို လုံးဝ လွတ်လပ်ပြီး အချုပ်အခြာအာဏာနဲ့ ပြည့်စုံတဲ့ သမ္မတနိုင်ငံအဖြစ်နဲ့ တည်ထောင်မယ်ဆိုပြီး ဆုံးဖြတ်ခဲ့တယ်။

နောက်ပြီးတော့ ဒီတိုင်းပြုပြည်ပြုလွှတ်တော်ကြီးမှာ ကျွန်တော်ကိုယ်တိုင်တင်သွင်းပြီးတော့ ကာ အချုပအ်အခြာအာဏာနဲ့ ပြည့်စုံတဲ့ သမ္မတနိုင်ငံတည်ထောင်မယ်ဆိ်ုပြီး တင်သွင်းလို့ ဆုံးဖြတ်တောင် ပြီးပြီ။ ဒီတော့ ဖဆပလ အဖွဲ့ချုပ်လုပ်တဲ့ အလုပ်က အင်မတန်ရှင်းပါတယ်။ ကျွန်တ်ာတို့ဟာ တိုင်းပြည်ကို ပြောခဲ့တဲ့အတိုင်း လုံးဝလွတ်လပ်ရေးကို ရအောင်လုပ်မယ်ဆိုတဲ့ အတိုင်း လုံးဝလွတ်လပ်ရေးကို ဆုံးဖြတ်ခဲ့တယ်။ ဒီတိုင်းပြည်ကို ကြေငြာထားတဲ့ လွတ်လပ်ရေးကို ရအောင်လုပ်မယ်ဆိုတာ လုပ်နေရက်ပဲ။ တစ်နှစ်လည်း မပြည့်သေးပါဘူး။ သို့သော် ပြည့်တယ်မပြည့်တယ်ဆိုတာမျိုးကတော့ အလျော့အပို နည်းနည်း ရှိချင်ရှိမယ်။ သို့သော်လည်း အဲဒီလို အချိန်အခါမျိုးမှာ တိုင်းပြုပြည်ပြု လွှတ်တော်က ဗမာပြည် ရဲ့ လွတ်လပ်ရေးကို ရအောင်မလုပ်နိုင်သေးဘူးဆိုလို့ရှိရင် ကျွန်တော်တို့တစ်ထစ်တက် ချင်တက်ရမယ်။ အဲဒီ အချိန်အခါကို မရောက်သေးဘူး။ အချိန်စေ့လို့ ဗမာပြည်ရဲ့ လွတ်လပ်ရေးကိုရအောင် မလုပ်နိုင်ဘူး ဆိုရင် ကျွန်တော်တို့ ကတိပျက်တယ်လို့ ဆိုနိုင်တယ်။ အဲဒီအချိန်အခါလည်း မရောက်သေးဘူး။

အဲဒီအချိန်အခါထိ လွတ်လပ်ရေးကို အေးအေးချမ်းချမ်းနဲ့ ရအောင် ကြိုးစားနေတယ်။ ကြိုးစားနေရတဲ့ အတိုင်း ဒီလိုလုပ်နေတဲ့လုပ်ငန်းဟာ အောင်မြင်မလား မအောင်မြင်ဘူးလားဆိုတာ အခုနေအခါမှာ ဘယ်သူမှမပြောနိုင်သေးဘူး။ ဘာဖြစ်လို့လဲဆိုတော့ အချိန်လိုပါသေးတယ်။ ကျွန်တော်တို့ လုပ်နေတဲ့ လုပ်ငန်းတွေ မပြီးသေးဘူး။ အလုပ်တွေ ပြီးလာတဲ့နေ့ကျတော့ ကျွန်တော်တို့ လုပ်ငန်း ဟာ အောင်သလား မအောင်သလားဆိုတာ ခင်ဗျားတို့မြင်မှာပဲ။ အဲဒီလိုမြင်လာတဲ့အခါ ဖဆပလ အဖွဲ့ချုပ်ဟာ ဘယ်လိုအဖွဲ့ချုပ်မျိုးလ။ အလုပ်လုပ်တဲ့အခါမှာ ဘယ်လိုလုပ်တယ်ဆိုတာကို မြင်လာမယ်။ အခုနေအခါမှာ ကျွန်တော်ကြီးကြီးကျယ်ကျယ်ပြောဖို့ မလိုပါဘူး။

ဆက်ရန်