နေပြည်တော်- လယ်ယာမြေပြဿနာများနှင့် ပတ်သက်၍ ဒေသဆိုင်ရာ အုပ်ချုပ်ရေးအဖွဲ့အစည်းအဆင့်ဆင့်၏ ဖြေရှင်းဆောင်ရွက်မှုများ နှေးကွေးလျက်ရှိသဖြင့် တောင်သူလယ်သမား ပြည်သူများအနေဖြင့် ဒီမိုကရေစီပြုပြင်ပြောင်းလဲရေးလ
ုပ်ငန်းစဉ်များအပေါ် ယုံကြည်မှုလျော့နည်းကျဆင်းလာသည်ကို ၀မ်းနည်းဖွယ် ကြားသိနေရကြောင်း ပြည်ထောင်စုလွှတ်တော်နာယက သူရဦးရွှေမန်းက နိုင်ငံတော်သမ္မတထံသို့ ပေးပို့သည့် သ၀ဏ်လွှာတွင် ဖော်ပြရေးသားထားသည်။
လယ်ယာမြေနှင့် အခြားမြေများ သိမ်းဆည်းခံရမှုကြောင့် ပြည်သူများနစ်နာမှုမရှိစေရေး စုံစမ်းရေးကော်မရှင်မှ ပြည်ထောင်စုလွှတ်တော်သို့ တင်သွင်းသည့် အစီရင်ခံစာများနှင့် ပတ်သက်၍ အရေးယူဆောင်ရွက်ပေးနိုင်ရန် ပြည်ထောင်စုလွှတ်တော်နာယကမှ နိုင်ငံတော်သမ္မတထံသို့ ပြည်ထောင်စုလွှတ်တော် သတ္တမပုံမှန်အစည်းအဝေးပြီးဆုံးသည့် ယခုလ ၂၉ ရက်တွင် သ၀ဏ်လွှာပေးပို့ခဲ့ခြင်းဖြစ်သည်။
အဆိုပါကော်မရှင်အနေဖြင့် အစီရင်ခံစာများကို အပိုင်းလိုက်ခွဲခြား၍ ပြည်ထောင်စုလွှတ်တော်သို့ တင်သွင်းခဲ့ပြီး အစီရင်ခံစာတွင် ပါရှိသည့် အချက်များနှင့်အညီ အုပ်ချုပ်ရေးအဖွဲ့အစည်း အဆင့်ဆင့် ဆောလျင်စွာ အရေးယူဆောင်ရွက်ပေးရန်နှင့် ဆောင်ရွက်ပြီးစီးမှုအခြေအနေများကို နှစ်လတစ်ကြိမ် ပြည်ထောင်စုလွှတ်တော်သို့ ရှင်းလင်းတင်ပြရန် လွှတ်တော်မှ ဆုံးဖြတ်ထားကြောင်း ထည့်သွင်းရေးသားထားသည်။
နိုင်ငံအတွင်း ဒေသအနှံ့အပြားတွင် ဖြစ်ပွားလျက်ရှိသော မြေယာပြဿနာများနှင့် ပတ်သက်၍ တောင်းဆိုဆန္ဒပြမှုများ၊ အကြမ်းဖက်တိုက်ခိုက်မှုများ ပေါ်ပေါက်လျက်ရှိပြီး မသိနားမလည်သည့် တောင်သူလယ်သမားအချို့သည် မလုပ်တတ်၊ မကိုင်တတ်နှင့် စနစ်တကျဖြေရှင်းနိုင်မှုမရှိသည့်အတွက် ဥပဒေအရ အရေးယူခံနေရခြင်းများ ကြုံတွေ့ရလျက်ရှိကြောင်း ဖော်ပြပါရှိသည်။
ထို့ပြင် အစိုးရဌာနများ၊ ပုဂ္ဂလိကလုပ်ငန်းအသီးသီးက မြေနေရာ လုပ်ကိုင်ခွင့်၊ ပိုင်ဆိုင်ခွင့် ရရှိရေးအတွက် ဆောင်ရွက်ရာတွင် မြေစာရင်းမြေပုံနှင့် မြေပြင်အခြေအနေ ကွဲပြားခြားနားမှုများကို စစ်ဆေးစိစစ်မှုမရှိဘဲ လျစ်လျူရှုဆောင်ရွက်ခြင်း၊ သင့်တင့်မျှတသော နစ်နာကြေးပေးလျော်မှုမရှိခြင်း၊ နစ်နာသူများအတွက် လူမှုဆိုင်ရာ ကိစ္စရပ်များကို ထည့်သွင်းစဉ်းစား၍ သင့်တင့်သော ဆောင်ရွက်ပေးမှု မရှိခြင်းများကြောင့် ယခုကဲ့သို့ ဖြစ်ပွားနေရခြင်းဖြစ်ကြောင်း သ၀ဏ်လွှာတွင်ဖော်ပြထားသည်။
သို့ဖြစ်၍ မြေယာပြဿနာများကို အချိန်ဆွဲဖြေရှင်းခြင်းမပြုဘဲ မလိုအပ်သော မြေများ၊ ဆက်လက်အသုံးပြုရန်မသင့်သော မြေယာများကို ပြန်လည်ပေးအပ်စေလိုကြောင်းနှင့် ဆင်းရဲနွမ်းပါး၍ သိရှိမှုအားနည်းသော တောင်သူလယ်သမားပြည်သူများအပေါ် စာနာစိတ်ထား၍ စိတ်ကောင်းစေတနာဖြင့် ပြန်လည်ပေးအပ်နိုင်လိမ့်မည်ဟု မျှော်လင့်ယုံကြည်ပါကြောင်း ပြည်ထောင်စုလွှတ်တော်နာယကက သ၀ဏ်လွှာတွင် ထည့်သွင်းရေးသားထားသည်။
0 comments:
Post a Comment