အချို့သော Fashion ဆိုင်အရောင်း ဝန်ထမ်းများသည် အင်္ကျီ၊ ဘောင်းဘီများ၏ သတ်မှတ် ဈေးနှုန်းများထက် ပိုမိုဈေးတင်၍ ရောင်းချခြင်းကို ဝယ်ယူသူများ အနေဖြင့် အထူးဂရုပြု သင့် နေပြီ ဖြစ်သည်။
Shopping Centre များရှိ Fashion ဆိုင်များတွင် အင်္ကျီ၊ ဘောင်းဘီ၊ ခါးပတ်၊ ဖိနပ်နှင့် အနွေးထည် စသည့် Fashion ပစ္စည်းများကို ရောင်းချရာတွင် ဈေးနှုန်းကပ်၍ ရောင်းချသည့် ပစ္စည်းများ ရှိသကဲ့သို့ ဈေးနှုန်း မကပ်ဘဲ ရောင်းချသည့် ပစ္စည်းများလည်း ရှိသည်။
Fashion ဆိုင်များတွင် အရောင်းဝန်ထမ်း ပြုလုပ်သူ တစ်ဦးက ''ဆိုင်တွေမှာက သူဌေးနေ့တိုင်း လာတဲ့ ဆိုင်တွေ ရှိသလို တစ်ပတ်ကို သူဌေးနှစ်ရက်လောက်ပဲ လာတဲ့ဆိုင်တွေလည်း
ရှိတယ်။ သူဌေး မရှိရင်လည်း ဆိုင်မှာ အုပ်ချုပ်သူ တစ်ဦးဦးတော့ ရှိတာပေါ့။ ဒါပေမဲ့ အကုန် လုံးက နေ့လယ် ထမင်းစားချိန်၊ ညနေမုန့်စားတဲ့ အချိန်ရှိတယ်။ အဲဒီအချိန်တွေမှာ ဝန်ထမ်း တွေအတွက်က အခွင့်အရေးပဲ။ ဝယ်ယူသူတွေ လာရင် ပစ္စည်းတွေကို ဈေးတင်တယ်။ အဲဒီ အချိန်မှာ အခြားဝန်ထမ်း နှစ်ဦးက အပေါက်ဝကနေ ဆိုင်ရဲ့ အုပ်ချုပ်သူ လာ၊ မလာကို စောင့် ကြည့်ကြတယ်။ ဆိုင်ထဲမှာ ဝယ်တဲ့သူကို ဂွင်ရိုက်နေချိန် ဆိုင်ရဲ့အကြီးအကဲ ပြန်လာရင် သင်္ကေတ တစ်ခုခုနဲ့ အချက်ပြတယ်။ ဥပမာ- လက်ဖျောက် တီးတာတို့၊ လေချွန်တာ တို့ပေါ့ဗျာ။ အဲဒီ အချိန်အထဲမှာ ဝယ်သူကို ဈေးတင်ပြီးသား ဖြစ်နေရင်လည်း အခြား တစ်ယောက်က ရုပ်ရှင် ရိုက်ရတာပေါ့။ စာရွက်တစ်ခုကို ကြည့်ပြီး ဈေးမှားနေတယ်လို့ ပြောရ တာပေါ့'' ဟု ပြောပြခဲ့သည်။
လာရောက် ဝယ်ယူသူများကို အရောင်း ဝန်ထမ်းများက အနွေးထည်များနှင့် ဘောင်းဘီများမှာ ဒီဇိုင်းလှပါက ငွေကျပ်နှစ်သောင်း ဝန်းကျင်အထိ ဈေးတင်၍ ရကြောင်း သိရသည်။
''လည်သာ ဂျာကင်တွေ ဆိုရင်တော့ ဈေးနှုန်း မကပ်ထားတာ များတယ်။ ပြီးတော့ ဈေးတင်လို့ ကောင်းတယ်။ ပြီးရင် ဆိုင်မှာရှိတဲ့ ဝန်ထမ်းတွေ ခွဲယူကြတာပေါ့။ ဆိုင်တွေမှာက အထာ ရှိတယ်။ သူဌေးတို့၊ ဆိုင်အုပ်ချုပ်သူတို့ ရှိရင် ဝန်ထမ်းတွေက စကားပြောနေတာတို့၊ ထိုင်နေ တာတို့တွေ မရှိဘူး။ အကုန်လုံးက ကြိုးစားနေတဲ့ ပုံစံတွေ လုပ်နေတာ အကုန်လုံး မတ်တတ် ရပ်နေကြတယ်။ ဝယ်ယူသူများ အနေဖြင့် ဝယ်ယူပါက ဈေးနှုန်း ကပ်ထားတဲ့ ပစ္စည်းတွေကို ဝယ်သင့်တယ်။ ဒါမှမဟုတ် ဆိုင်တွေမှာ သူဌေးရှိတဲ့ အချိန် ဝယ်သင့်တယ်'' ဟု အထက်ပါ အရောင်း ဝန်ထမ်းက သုံးသပ် ပြောပြခဲ့သည်။
0 comments:
Post a Comment