တောင်ကိုရီးယားအခြေစိုက် ကမ္ဘာ့အကြီးမားဆုံး စမတ်ဖုန်းထုတ်လုပ်သူဖြစ်တဲ့ Samsung ဟာ ဖုန်းနဲ့တကွ အခြား Device တွေမှာ ခေါက်သိမ်းနိုင်တဲ့ Display တွေ တပ်ဆင်ဖန်တီး လာနိုင်ဖို့ ဦးတည်လျက် ရှိပါတယ်။ ဒီအစီအစဉ်ဟာ နောင် ၂နှစ်အတွင်းမှာ ဖြစ်လာနိုင်ပြီး Samsung ရဲ့ CEO ကွန်အူဟွန်းရဲ့ ဆိုးလ်မြို့မှာ ကျင်းပတဲ့ ပွဲတစ်ခုကနေ သိလာရတာပါ။ အဆိုပါပွဲမှာ CEO က နောင်နှစ်များအတွင်းမှာ ဆန်းသစ်သွားမယ့် ကုမ္ပဏီရဲ့ မျက်နှာပြင်နည်းပညာ ကဏ္ဍနဲ့ ပတ်သက်လို့ ရှင်းလင်းတင်ပြခဲ့တာ ဖြစ်ပါတယ်။
အားလုံးသိကြတဲ့အတိုင်း မကြာသေးခင်ကမှ Samsung ဟာ ကမ္ဘာ့ပထမဆုံး ကွေးညွတ်မျက်နှာပြင် စမတ်ဖုန်းဖြစ်တဲ့ Galaxy Round ကို မိတ်ဆက်ပွဲထုတ်ခဲ့ပါတယ်။ ဒါပေမယ့် အဆိုပါဖုန်းဟာ ကွေးညွတ်နေတဲ့ ပုံစံသာ ရှိတာဖြစ်ပြီး ခေါက်သိမ်းနိုင်မှာတော့ မဟုတ်ပါဘူး။ ကွေးညွတ်မျက်နှာပြင်တွေဟာ ဘယ်လိုအကျိုးကျေးဇူးတွေ ရမှာလဲ ဆိုတဲ့ လူတစ်ချို့ရဲ့ မေးခွန်းကို Samsung CEO က “နည်းပညာကို ယုံကြည်ခြင်းဟာ အဓိက တီထွင်ဆန်းသစ်မှုပဲ ဖြစ်ပါတယ်” လို့ဖြေကြားခဲ့ ပါတယ်။
ဒါကြောင့် Samsung ရဲ့ ရှေ့ဆက်မယ့် ခြေလှမ်းဟာ ကွေးညွတ်မျက်နှာပြင်တွေ၊ သို့မဟုတ် ခေါက်သိမ်းနိုင်တဲ့ မျက်နှာပြင်တွေပဲ ဖြစ်ပါတယ်။ ခန့်မှန်းချက်တွေ အရတော့ အဲဒီလို ခေါက်သိမ်းနိုင်တဲ့ မျက်နှာပြင်ရှိ Device တွေကို ၂၀၁၅ ခုနှစ်လောက်မှသာ ထုတ်လုပ်ဖန်တီးနိုင်မှာပါ။
ဒါဆိုရင် မေးခွန်းထုတ်စရာတွေ ရှိလာပါတယ်။ ကွေးညွတ်မျက်နှာပြင်၊ ကွေးညွတ်နိုင်တဲ့မျက်နှာပြင်နဲ့ ခေါက်သိမ်းလို့ပါရတဲ့ မျက်နှာပြင်တွေမှာ ဘယ်ဟာတွေက ဘယ်လိုကွာခြားသွားမလဲ ဆိုတာပေါ့…
0 comments:
Post a Comment