အချိန်သည် လူသားတိုင်းကို မျက်နှာမလိုက်ဘဲ(၂၄)နာရီဟူသော(တစ်ရက်)ကိုအညီအမျှ လူသားတိုင်းကို ပေးထားသည်။ (၂၄)နာရီဟူသော အချိန်ကို လူသားတိုင်း အခမဲ့ ရရှိကြသည်။ ရယူသူချင်းအတူတူ ထို(၂၄)နာရီကို အကျိုးရှိရှိ အသုံးချတတ်ပါက ထိပ်ဆုံးသို့ရောက်၍ မကြိုးစားသူက အောက်ဆုံးကို ရောက်သွားတတ်သည်။
ကျွန်တော်တို့ မြန်မာနိုင်ငံသည် သယံဇာတပေါကြွယ်ဝသော နိုင်ငံဖြစ်သည်။ ယခုအခါ နိုင်ငံတော်အစိုးရက ဈေးကွက်စီးပွားရေးကိုလည်း ဖွင့်လှစ်ထားပါသည်။ သို့သော်လည်း သယံဇာတပစ္စည်းတွေ ဘယ်လောက်များများ၊ ဈေးကွက်စီးပွားရေးတွေ ဘယ်လောက်ဖွင့်ဖွင့် အချိန်တွေ အလဟသဖြုန်းပြီး အလုပ်မလုပ်သရွေ့ ဘယ်သောအခါမှ ကြီးပွားတိုးတက်သော နိုင်ငံဖြစ်လာဖို့ ခဲယဉ်းမည်ဖြစ်ပါသည်။
အဘယ်ကြောင့်ဆိုသော် မြန်မာလူငယ် အတော်များများသည် လက်ဖက်ရည်ဆိုင်ထိုင်ပြီးတော့လည်း အချိန်ဖြုန်းသည်။ စစ်တုရင်ထိုးပြီးတော့လည်း အချိန်ဖြုန်းသည်။ ဘိလိယက်ထိုးပြီးတော့လည်း အချိန်ဖြုန်းသည်။ စကားများ အရက်ဆိုင်ထိုင်ပြီးတော့လည်း အချိန်ဖြုန်းသည်။
လူတိုင်းလူတိုင်း မိမိအသက်ကို တန်ဖိုးထားတတ်သည်။ မိမိအသက်ကို တန်ဖိုးထားတတ်သောသူသည် အချိန်ကို တန်ဖိုးထားတတ်ရမည်။ အချိန်ကို တန်ဖိုးထားသူသည် အချိန်မှန်သမျှထဲမှ ကုသိုလ်၊ ပညာ၊ ဥစ္စာ တစ်မျိုးမျိုးကို အမြဲရအောင် ယူနေရမည်ဖြစ်သည်။ မယူသူသည် အချိန်ကို အလဟဿဖြုန်းတီးသူပင်ဖြစ်သည်။ အချိန်ကို အလဟဿဖြုန်းတီးသူသည် လူ့ဘ၀၌ မိမိနေရမည့်အသက်ကို ဖြုန်းတီးခြင်းပင်ဖြစ်၏ဟု မေတ္တာရှင်(ရွှေပြည်သာ)၏ အဆုံးအမ စကားလည်း ရှိပါသည်။
လောကတွင် အစားထိုး၍မရသောအရာနှစ်ခုမှာ မိဘနှင့်အချိန်ပင်ဖြစ်သည်။ ၀တ္ထုပစ္စည်းတစ်ခုခုတွင် တန်ဖိုးရှိသကဲ့သို့ အချိန်၌လည်း တန်ဖိုးရှိပါသည်။ အချိန်ကို ရွှေ နှင့် စိန်ထက်ပင် အဖိုးထိုက်တန်ကြောင်း သိသူများသလောက် မလုပ်သည်က ပို၍များလေသည်။ ပိုက်ဆံတစ်ကျပ်ကို အလဟဿဖြုန်းတီးရန် စဉ်းစားမည်ဖြစ်သော်လည်း ငါးမိနစ်မျှသော အချိန်ကို ဖြုန်းတီးပစ်ရန် ၀န်မလေးကြချေ။
ထို့ကြောင့် အချိန်ကို မဖြုန်းတီးဘဲ တန်ဖိုးရှိရှိ အသုံးချတတ်ရန် တိုက်တွန်းလိုပါသည်။
အချိန်ဟူသော စက္ကန့်၊ မိနစ်၊ နာရီပေါင်းများစွာကို အကျိုးရှိရှိ အသုံးချ၍ လူသားတိုင်း အောင်မြင်မှုသရဖူကို ရယူ၍ ကြီးပွားတိုးတက်ကြပါစေကြောင်း ဆန္ဒပြုလိုက်ပါတယ်။
ဤစာလေးကို မဂ္ဂဇင်းတစ်အုပ်၌ ဖတ်မိကာ ကြိုက်နှစ်သက်၍ သူငယ်ချင်းများအား ဖတ်စေချင်ကာ ပြန်လည်ကူးယူထားခြင်းဖြစ်ပါတယ်။
နွေထနောင်း
0 comments:
Post a Comment